Povodom Dječije nedjelje, u ponedjeljak 01. 10. 2018. godine, Gradska biblioteka i čitaonica Kotor ugostila je prvake Osnovne škole „Narodni heroj Savo Ilić“ iz  Dobrote. Učenici su učestvovali u jednočasovnoj radionici na temu „Bajke“. Bibliotekarka Jelena Vukasović je pripremila prezentaciju kojom je učenicima predstavila bajke poznatog pisca Hansa Kristija Andersena, te pokazala da su njihovi omiljeni crtani nastali prema bajkama koje je napisao poznati pisac.  U drugom dijelu radionice slikovnica "Zečija škola", Blanke Pašagić bila je povod da djeca opišu svoj doživljaj škole. Ovom prilikom, Gradska biblioteka je prvacima uručila članske karte na osnovu kojih mogu besplatno koristiti fond naše biblioteke i od malih nogu se upoznavati i družiti sa knjigama.

Nakon radionice, djeca su uživala u projekciji animiranog filma "Zvončica i vila gusarka" u kotorskom Kino "Boka".